venres, 14 de agosto de 2015

Compromiso pide explicacións ao PSOE pola retirada da denuncia a Represas

O tripartito BNG, PSOE e A Riada do Tea, pasarán a historia por ser o goberno de "onde dixen digo , digo Diego”

O pasado 23 de maio o PSOE de Ponteareas denunciaba a Xosé Represas por presunta intimidación ante a garda civil a un candidato socialista. Segundo fixeran público denunciaran  “ameazas e intimidacións,...incluso actitude desafiante e acosadora”. A semana pasada, os socialistas de Ponteareas facían público que retiraban dita denuncia e hoxe nos espertamos coa nova na que  anuncian o pacto de goberno onde falan de que o primeiro que sexa imputado ten que dimitir.
Copia da denuncia publicada en Comarcas na Rede o 23 de maio de 2015
Compromiso, ante a concatenación de casualidades, esixe explicacións por estes feitos, dado que, ou o PSOE fixo unha denuncia falsa no seu día, ou hoxe están enganando aos cidadáns encubrindo ao actual alcalde. Si de verdade o pacto de goberno establece a renuncia ao cargo de toda persoa con causa penal ou por acoso etc, e si os que o asinaron pretenden cumprilo, está claro que a retirada da denuncia é para salvar ao Sr Represas que podería acabar imputado por dita denuncia , o que dinamitaría o pacto de goberno.
Fotografía coa actuación da Garda Civil publicada en EuropaPress o 23de maio de 2015
Os galeguistas tamén denunciaran publicamente nas redes sociais a intimidación que sufriron por parte de afiliados do BNG a véspera das eleccións, non chegando a levar o tema aos tribunais como os socialistas por non influír no resultado electoral na xornada de reflexión, a pesares de que membros do PSOE, entre as que estaban Chus Garrote, o día das ameazas animaron as candidatas de CxG a que presentaran denuncia por estes feitos.

Compromiso pregúntase que farían os membros deste tripartito se estas supostas intimidacións foran a veciños e veciñas do pobo, condenarían ditos actos ou pola contra farían piña para manter o poder a toda costa.

Resumo da noticia na prensa:

           
noticia no Faro de Vigo    


                                                    Noticia no Atlántico Diario

    
  Noticia en Comarcas na Rede    
             

Noticia en NoticieiroGalego

Noticia en El Correo Gallego

martes, 11 de agosto de 2015

Compromiso esixe ao goberno que resolva o asunto do cobro irregular das terrazas

Compromiso esixe ao goberno do BNG, PSOE e Riada do Tea (Podemos) que resolvan o expediente dos cobros irregulares das terrazas no mesmo prazo que lle dan aos hostaleiros para regularizar a súa situación

Compromiso por Galicia, a raíz da polémica suscitada polo prazo que da o tripartido de 48 horas aos hostaleiros para regularizar os permisos das terrazas, pregúntase porque non se da a mesma presa en resolver expedientes que levan aberto preto de dous anos sen resolver no concello e que urxen tomar medidas, como é o suposto cobro irregular das terrazas por parte dun traballador municipal, exsecretario de ACIP.

Qué pau de medir emprega o goberno municipal para priorizar nos temas do concello? É máis grave o que fan os hostaleiros ou o que fixo no seu día o empregado municipal. Traballador que segue campando as súas anchas polo concello tramitando licencias de apertura sen ningún tipo de medida cautelar, pregúntanse  os galeguistas.


No seu día o BNG e PSOE esixiron explicacións ao goberno do PP por  este asunto e pedían depurar responsabilidades. Agora que teñen a tixola polo mango non resolven este tema, manifesta Compromiso

sábado, 8 de agosto de 2015

Compromiso solicita que se modifique o proxecto de humanización de varias rúas

Compromiso por Galicia sorpréndese da incapacidade do BNG, A Riada doTea (Podemos) e PSOE que gobernan a costas da cidadanía

Os galeguistas solicítanlle ao goberno que modifique o proxecto de humanización das rúas Amado Garra e Reveriano Soutullo, porque no lugar de humanizar o que fai e encher as rúas de barreiras arquitectónicas.

O goberno do BNG, PSOE e Riada do Tea, están a levar a cabo obras nestas rúas, con tramos que carecen de ramplas que faciliten o acceso a discapacitados, anciáns e carriños, con beirarrúas moi altas e con esquinas cortantes, que poden ocasionar problemas aos vehículos, manifestan os galeguistas.


 O proxecto, herdado do anterior goberno do PP, non contemplaba accesos para discapacitados en todos os cruces e en todos os sentidos, como marcan as pautas mínimas de accesibilidade que ten que ter unha cidade minimamente organizada. Sorprende que no seu momento, responsables políticos que percibían unha adicación exclusiva non presentaran ningún tipo de alegación ao proxecto pero máis sorprendente é, si cabe, o feito de que agora gobernando nin se preocupen de modificar un proxecto con graves erros de concepción en materia de accesibilidade.


Para Compromiso é incríbel que o tripartito malgaste máis de 200.000 euros nesta obra, sen ter o tacto suficiente en humanizar eliminando barreiras arquitectónicas, polo que solicitan que o arranxen antes de finalizala.

luns, 3 de agosto de 2015

Compromiso acláralle a Troncoso que o concello ten competencia en materia de incendios

Mal comezan os da Riada do Tea (Podemos) en materia de montes cando botan balón fora cando o goberno ten competencias en materia de incendios

Compromiso tacha as declaracións de A Riada do Tea de desafortunadas porque non só a Xunta de Galicia ten obrigas en materia de lumes se non que o concello ten que cumprir a Lei de Prevención e defensa dos incendios forestais de Galicia, cousa que non fai.

Os galeguistas entenden que o descoñecemento na materia por parte do Concelleiro de Medio Rural, Manuel Troncoso, demostran a falta de coñecementos na materia do propio concelleiro.

Dende hai dous anos o goberno do PP có apoio do PSOE, actuais socios do goberno de A Riada e BNG, adicaron o seu tempo ao desmantelamento da concellería de medioambiente mediante o despedimento de traballadores e peches de departamento, abandonando á súa sorte as obrigas propias do Concello, entre elas a do cumprimento da Lei de Prevención e Defensa dos Incendios Forestais de Galicia, aclaran os galeguistas.

Compromiso manifesta que a lei obriga a que dende o Concello se cumpran as medidas correctoras que establece a dita lei en canto á xestión da vexetación e masas forestais que rodean os núcleos de poboación e vivendas illadas, así como a xestión das masas forestais dentro dos propios núcleos. Sen embargo, o Concello decidiu no mes de decembro de 2013 pechar o departamento de medio ambiente e despedir a varios peóns xardiñeiros, concello que carece ademais de persoal especializado na xestión e loita contra o lume.

Durante todo o ano 2014 e no que levamos de 2015 non se fixeron traballos de inspección, mantemento e prevención para a xestión da biomasa e da vexetación de alto porte arredor das vivendas e núcleos. Agora cun verán calamitoso nese aspecto a pouco que se manteñan as altas temperaturas. podemos atoparnos con situacións de risco para os cidadáns, dado a desleixo do goberno BNG, PSOE e Riada do Tea..


Compromiso aconséllalle ao Sr. Manolo Troncoso, que traballe , no lugar de estar preocupado en sair en tantas fotos, e que se informe de cales son as súas obrigas e deberes, que  comecen de maneira urxente os traballos para a determinación de “zonas alto risco de incendio” e redacte un Plan de Xestión e Ordenación de Prevención de Incendios Forestais para Ponteareas, ademais de dotar dos recursos necesarios para que ditos traballos podan ser levados adiante.

mércores, 29 de xullo de 2015

Compromiso pide explicacións ao goberno local sobre a concesión do lixo

Os galeguistas denuncian que o actual goberno continúa coa dilapidación de cartos na contratación do lixo

Durante os dous últimos anos da lexislatura pasada o anterior goberno do PP recoñecía a existencia dun informe municipal no que se detallaban incumprimentos na execución do contrato por parte de FCC (concesionaria do lixo), por importe duns 350.000€. Posteriormente o goberno do PP, subcontrata unha auditoría externa por 10.000€, que taxa os incumprimentos en 200.000€ anuais.
Con todo, o goberno de Solla non adoptou ningunha medida tendente a obrigar á concesionaria a cumprir o contrato ou ben a modificalo de maneira que non se pagasen por traballos que facía o concello con persoal de seu.

O goberno actual do BNG, PSOE e Riada do Tea (Podemos) son coñecedores destas irregularidades e aínda non fixeron nada sobre este asunto, que lle custa tanto as arcas municipais, e pola contra vende a bombo e platillo unha campaña de concienciación de reciclaxe, cando un dos incumprimentos da empresa é que non fai o número de campañas que marca o contrato. Así, existe unha partida específica no contrato para realización de campañas de concienciación e sensibilización e dende a que se fixo ao asinar o contrato, hai xa nove anos, non se volvera a saber nada do tema.

Os galeguistas se preguntan se o BNG non ten pensado revisar esta concesión porque no seu día votaron a favor de concederlla a FCC, cando supuxo unha hipoteca para o municipio, porque ascende a máis dun millón de euros.

Compromiso por Galicia teme que exista algún tipo de interese do goberno municipal en manter e sacar novas privatizacións, como o que aprobaron recentemente, o 23 de xullo para privatizar o servizo de limpeza dos colexios públicos, publicada nestas datas no B.O.P. decisión totalmente contrarias as que vendían nos seus programas electorais membros deste tripartito, que se abandeiraban defensores dos servizos publicos.

Segundo compromiso urxe revisar ese contrato, e por incumprimento remucicipalizar o servizo, o que lle suporía un gran aforro para o concello e para os petos dos cidadáns.